بلاطو حلويات مغربية

بلاطو حلويات مغربية

موقع نسوة يقدم لكم بلاطوة حلويات مغربية

مقادير وطريقة تحضير حلويات مغربية بالصور

  بلاطو حلويات مغربية من مطبخ ليلى ام صلاح الدين

مقادير وطريقة تحضير بلاطو حلويات مغربية
1-فقاص شيبي بالفواكه المعسلة

المقادير
250g زبدة عادية
100g سنيدة
قبصة ملح
1 فاني
قشرة حامضة محكوكة
150g فواكه معسلة
الطحين حسب الخليط انا درت تقريبا 375g
الطريقة
نخدمو الزبدة + سنيدة + الملح والفاني مزيان بالطراب من بعد نضيفو قشرة حامضة محكوكة والطحين ومن بعد نزيدو الفواكه المعسلة مقطعة 

ثم كنديرو من العجين حرابل و ندخلوهم للفريكو حتى يقصاحو
من بعد نخرجو وحدة بوحدة وكنقطعو ونستفو فطاوة ومن بعد ندخلهم للفرن

2-حلوة بالتمر 

المقادير:
كيلو من عجينة التمر
بيضة
شوية القرفة
شوية من المسكة الحرة مدقوقة
2معالقة زبدة دايبة
اللوزمهرمش للتفنيد
اللوز مصلوق للتزيين
الطريقة:
تخلطو جميع المقادير

 ونديرو كويرات نفندوهم فاللوزمهرمش ونستفوهم فطاوة ونزينوهم باللوز وندخلوهم للفرن غير يتحمر اللوز نخرجوهم 

3-كعب غزال
العجين
500g دقيق
100g زبذة
شوية ملح
شوية المسكة الحرة مدقوقة
قليل من الماء لجمع العجين
كاس ديال ماء الزهر
العقدة
1كلغ لوز مصلوق مقشر ويابس فالظل من بعد نطحنوه بوحدو والمرة الثانية نطحنوه
مع 450 غ سكر سنيدة
مسكة حرة مدقوقة
80g زبدة ذايبة
ماء الزهر لقياس لي يجمع لينا العقدة
نديروحرابل من العقدة ونخليوها جانبا
العجين
نخلطو الدقيق والملح والزبدة والمسكة ونزيدو ماء الزهر ثم نضيف الماء حتى نحصل علي عجينة لينة نديروها كويرات ونخليوها ترتاح شوية

من بعد نطلقوها بالمدلك او نخرجوها بالمكينة المهم تكون الورقة رقيقة ونديرو فيها اصبع من العقدة ونغطيوها بالعجين

 ونبقاو نطلعو الكعبة ومن بعد نقطعو العجينة بالجرار ونقشوها بالمنكاش
والنسبة للكعبة على شكل تاج تاناخدو الكعبة تانفلحوها من الفوق بالموس (3 شرطات) و تانبقاو نطلعو فالكعبة ونستفوها فالطاوة ونغطيوها بزيف ونخليوها تبات ومن بعد مادهنوها نزينوها بعقيقات

للدهن
ابيض بيضة
معلقة من الحليب
شوية من الفاني
نخلطوهم فزلافة وندهنو الكعبة ونتقبوها بإبرة وندخلوها للفرن ومانخليوهاش حتى تحمر غير تبدى تصفار نخرجوها 

4-غريبة البهلة باللوز والكوك

250غ من الزبدة
كأس ونصف من السكر كلاصي
كأس ونصف من الزيت
زلافة من اللوز مفسوخ ومقلي فالزيت ومطحون
كاس من الكوك
قبصة من الملح
3 خمارات
الدقيق حسب الخليط
الطريقة
نخدمو الزبدة مع السكر كلاصي مزيان ثم نضيف الزيت ثم جميع المقادير 

ثم نكورو العجينة كويرات نستفوهم فطاوة ديال الفرن وندخلوهم يطيبو من فوق أولاً 

هذا هو لتيخلي الغريبة تشقق يعني نشعلو على الوجه هو الأول حتى يتحمر شوية عاد نطيبوهم من التحت

هاهو بلاطو حلويات مغربية واجد ،بالضافة لهذا البلاطو هناك حلويات مغربية اخرى رائعة على الروابط

بلاطو حلويات باللوز بعجينة واحدة

http://www.niswa1.com/2013/05/blog-post_4462.html

حلويات اللوز بطريقة عصرية

http://www.niswa1.com/2013/12/blog-post_8977.html

حلويات الصابلي بنفس العجين

http://www.niswa1.com/2013/07/blog-post_7805.html
صابلي بعجينة واحدة

http://www.niswa1.com/2013/04/blog-post_4261.html