بريوش بالبطاطا والفاني مقطن ورائع بالصور

موقع نسوة يقدم بالصور

بريوش بالبطاطا والفاني مقطن ورائع

بريوش بالبطاطا والفاني مقطن ورائع 

مقادير بريوش بالبطاطا والفاني مقطن ورائع

500غ بطاطا مسلوقة مع قبصة ملح ومطحونة فالطحانة اليدوية 

 1 كاس عنبة د الزيت 

 1 كاس عنبة سكر 

 2 بيضات 

 3 فاني 

 1 خميرة الحلويات وزن 20 غ 

 م ك عامرة خميرة الخبز 

 قبصة ملح 

 دقيق حسب الخليط 

 أي نوع شكلاط إختياري
مخصش العجين يبقا كيلصق
طريقة تحضير بريوش بالبطاطا والفاني مقطن ورائع

 نخلطو البيض والسكر والزيت والفاني حتى يدوب السكر 

ونضيفو عليهم البطاطا

 نخلطو مزيان ونبداو نضيفو الدقيق مع الخميرة 

حتى نحصلو على عجين لين معجون مزيان
نغطيو العجين ونخليوه يخمر على خاطرو حتى يتضاعف الحجم
ثم نخويوه من الهواء باش نبداو التشكيل

 نقسمو العجين على زوج كرات

 وحدة اكبر من الأخرى الصغيرة نعملو بيها الظفيرة
والكبيرة نقسموها على 20 قطعة تقريبا 

ونشكلوهم كيف باين فالصور ونوضعوهم فمول ونعملو الشكلاط بين العجين
نغطيو المول بالبلاستيك الغدائي ونخليوه يخمر مرة أخرى

ملي يخمر ندهنوه بخليط أصفر البيض مع شوية حليب ورشيشة من نيسكافي

 ونغطيوهم شوية على ما يسخن الفرن على 180 درجة مئوية

وندخلوهم يطيبو

وهاهو بريوش بالبطاطا والفاني مقطن ورائع واجد

بالصحة والراحة