كراتان بالكفتة والروز روعة بالصور

موقع نسوة يقدم بالصور

كراتان بالكفتة والروز روعة

كراتان بالكفتة والروز روعة

مقادير كراتان بالكفتة والروز روعة
250غ  كفتة
250غ  روز كلاصي
شومبينيو اختياري
بصلة – الزيت – ملح – ابزار – سكنجبير – قزبور – معدنوس – تحميرة -
2معالق صغار مطيشة الحك
معلقة زبدة
بيضة 

4 معالق كبار لصوص بيشاميل
طريقة تحضير كراتان بالكفتة والروز روعة
ناخدو بصلة مشلظة مع الزيت والملح والابزار وسكنجبير
والقزبور والمعدنوس والتحميرة ونديرو كلشي
فوق النار حتى يتشحر مزيان

نضيفو الكفتة و2 معالق صغار مطيشة الحك والى بغيتو تزيدو
الشومبينيو زيدوه
وفي الاخير كنحصلو على هاد لصوص

ناخدو الروز طايب فالماء و الملح ونصفيوه مزيان
ونظيفو ليه ملعقة زبدة وقليل من المعدنوس 1 بيضة مطربة
و4 معالق لصوص بيشاميل 

 دابا كناخدو المول وندهنوه ونخويو فيه لصوص بيشاميل
ومن بعد نزيدو الروز ونسقيو بلصوص بيشاميل

وفي الاخير نصبو لصوص ديال الكفتة ونحكو الفرماج احمر
وندخلوه لفرن

وهاهو كراتان بالكفتة والروز روعة واجد

بالصحة والراحة