كاشير بالدجاج ساهل وكيجي بنين بالصور

كاشير بالدجاج ساهل وكيجي بنين بالصور

موقع نسوة يقدم لكم كاشير بالدجاج سهل

مقادير كاشير بالدجاج 
 4 البيضات
300غ كفتة الدجاج ايلا ماعندكش كفتة الدجاج عوضيها ب 2كيسان روز مسلوق

كاس سميدة رقيقة
نصف كاس زيت

2 فصوص توم

كنور بكري شوية الملح
معلقة صغيرة كامون
لهريسة حسب الدوق انا تنكتر باش تعطيني احتا اللون
نصف معلقة قزبر مطحون
اللي بغا الملون الاحمر يديرو انا مادرتوش

طريقة تحضير كاشير بالدجاج بالصور
تنخلطو كلشي فمولينكس

هاهو من بعد ماتطحن مزيان

  من بعد نديروه فالكاس الخاص بالكاشير موجود فالاسواق وغير ب5 دراهم

بالنسبة للأخوات لي بغاو يجربوه وما عندهومش الاناء ديال الكاشير

ياخذو علبة ديال مطيشة ويقادو لها الحاشية من الفوق ويغلفو القعر و الجوانب بورق الزبدة

ويعمروها بالخليط ويسدوها من الفوق بورق الألمنيوم بالنسبة للكمية لي عندنا غادي نحتاجو 2 علب

من بعد نديرو كاشير فبرمة فيها الماء ونتقلو عليها باش ماطيحش القرعة ويخسر لينا المنضر

ونحسبو ليها 45 دقيقة

من بعد نخليوه يبرد مزيان من الأحسن نخليوه ليلة كاملة

وهذا الشكل النهائي ل كاشير بالدجاج