شوربة بالخضر في غاية المذاق
طريقة تحضير شوربة بالخضر بالصور
مقادير شوربة بالخضر بالصور
مطيشة +بطاطا +كرعة حمراء +كرمب(الكروم) +خيزو +2 كيري +شعرية النودلز بنكهة الدجاج +البصل+كنور دجاج+الكرعة الخضراء
طريقة تحضير شوربة بالخضر بالصور
كندرو البصلة مقطعة في الكوكوت
من بعد كنضيفو ليها الخضرة لي مقطعة و2 كيري وكنور ديال الدجاج نسيت مصورتوش
تم الكورجيط مقطعة صغيرة نسيت مدرتهاش في الطبق مع الخضرة ونديرو 3 معالق كبار زيت العود
ونديرو الماء الكافي ونسدو عليه فالكوكوت 10 دقائق
في هاد الوقت كناخدو الشعرية النودلز ونبقاو نحكوها بين ايديا بحال الى كنفرتتوها ونصلقوها في شوية ديال الماء
ومنين نفتحو الكوكوت كنضيفو الشعرية المصلوقة ونخليوها تغلى شوية عاد نضيفو ليها الصوجا القياس لي بغيتو انا تقريبا درت 3 معالق كبار
من بعد نضيفو الخنيشة ديال العطرية لي كتباع مع الشعرية النودلز والربيع مقطع ونخليوها 3 تواني ونطفيو عليها
ونقدمو الشوربة بالخضر بالصحة والراحة
salamo3alaykom sayidati merci 3la lmajhoud lakbir li kat9oumou bih allah soubhanah hoa li ghadi yjazikom 7int ana man nissaa li n9atouhom b lwassafat dyawalkom almouhim allah yaj3alikom koulchi f lmizan lma9boul 3and allah soubhanah bghit ghi nssawal sa7ibat had lwassfa achno hiya dik cha3riya
ردحذفربي يخليك اختي وشكرا على التعليق الرائع, اما بالنسبة للشعرية تسمى أيضا الشعرية الصينية
ردحذف