حلوة العين باللوز شكل جديد بالصور

موقع نسوة يقدم

حلوة العين باللوز شكل جديد

من الاخت نجاة

مقاديرعجين حلوة العين باللوز شكل جديد
250 دقيق
75 زبدة لينة
معلقة كبيرة سكر كلاصي
ماء الزهر
عجينة اللوز
250 لوز مقشر
100 سكر
2 معالق كبار زبدة دايبة
شوية ماء الزهر
قشرة حامضة محكوكة
طريقة تحضير حلوة العين باللوز شكل جديد

بسبست الزبدة مع الدقيق و جمعتها بماء الزهر خذيت شوية من العجين ضفت ليه الكاكاو و خليتها ترتاح
طحنت اللوز مع السكر و ضفت ليه الزبدة و قشرة الحامض و ماء زهر
 طلقتو بين 2 بلاستيكات و قطعتو دوائر

قطعت العجين الأبيض بنفس القطاعة لي قطعت بها عقدة اللوز
ثم قطعت العجين البني بقطاعة أصغر من الأولى
ثم دوائر صغيرة بزاف من العجين الأبيض
خذيت دائرة كبيرة دهنتها بأبيض البيض

وضعت عليها عقدة اللوز دهنتها بأبيض البيض و غطيتها بعجينة بيضاء
ثم دائرة بنية وضعتها على الجانب بعد ما دهنتها بأبيض البيض
و فوقها دائرة بيضاء صغيرة دائما مع الدهن بأبيض البيض باش يلصق العجين

بعد ما كملت خليتها شوية تنشف و طيبتها على نار متوسطة بلا ما تحمر
خليتها حتى بردت دهنتها بالنباج ووضعت حبيبات الشكلاط في وسط الدائرة الصغيرة
وهاهي حلوة العين باللوز شكل جديد واجدة

بالصحة والراحة