ميني كيش بالكريمة سهل ولديد بالصور

موقع نسوة يقدم بالصور

ميني كيش بالكريمة سهل ولديد

ميني كيش بالكريمة سهل ولديد 

مقادير وطريقة تحضير ميني كيش بالكريمة سهل ولديد

مقادير وطريقة تحضير العجين
- 200g دقيق.
- 80g زبدة بحرارة المطبخ.
- ملعقة.ص ملح.
- ملعقة.ص سكر.
- كأس إلا ربع ماء (العنبة).
ناخدو كأس دالماء و نضيفلو السكر و الملح و نحركو حتى يدوبو.
نبسـسو الدقيق بالزبدة.
نضيفو الماء للدقيق و نجمعو العجينة بصباعنا بلا دليك، نخليوها خفيفة شوية.
نحتفظو بالعجين فالثلاجة لمدة ساعة على الأقل.

مقادير وطريقة تحضير الحشوة

ناخدو 2 بصلات و نقطعوهم مربعات صغيرة.
مع قليل من الزيت نديروهم فالمقلة و نرشو عليهم الملح.
نسدو على المقلة و نخليو البصلة طيب فوق نار مهيلة.
مين نشوفو البصلة بدا يدخلها الطياب و هبطات نزيدو عليها خيزو محكوكة.
نسدو ونخليوهم يطيبو فوق نار مهيلة.

 نزيدو شوية المعدنوس مقطع + الملح + الابزار + الكمون و نخلطو كلشي.

نقومو الكفتة : رشة ملح + كمون + رشة ابزار +

 معلقة صغيرة قزبر مطحون + شوية معدنوس مقطع.
ونضيفوها فالمقلة طيب.
نجهدو للنار و نبقاو نحركو و نفتتو فالكفتة طريفات صغار

 نبقاو مقابلينها حتى نشوفها طابت.

مين طيب الكفتة و تنشف المقلة من الما لي فيها

 نزيدو القشدة و نطفيو النار و نحركو.

الحشوة وجدات ، وندوز دابا لتحضير العجين.
نخرج العجينة من الثلاجة و نحاول نقسمها بالتساوي.

ناخدو القليل من الماء ندهنو به يدينا 

باش نتحكمو أكثر فالعجينة ونشكلوها فالمول

و ندخلوها لفرن طيب نص طياب.

نخرجوها من الفران و نعمروها بخليط الكفتة و الكريمة
نرشو عليها فرماج محكوك يكون حمضي

ونرجعوهم للفران يكملو طيابهم.

نزينوهم بجبنة الموتزاريلا محكوكة 

و ندخلوهم لفران مطفي و سخون.

وهاهو ميني كيش بالكريمة سهل ولديد واجد

بالصحة والراحة