شنيك بتي بان بطريقة ناجحة جدا بالصور

موقع نسوة يقدم بالصور

شنيك بتي بان بطريقة ناجحة جدا

من الاخت ام سعد

شنيك بتي بان بطريقة ناجحة جدا  

مقادير شنيك بتي بان بطريقة ناجحة جدا
نصف كيلو فرينة (فورص ) من نوع ممتاز
  2 معالق زيت
2 معالق سكر سنيدة
2 معالق حليب بدرة
معلقة خميرة معجونة
كيس فاني
كيس خميرة حلويات
بيضة
وماء دافئ للعجين
للنزين

 بيضة مخفوقة

كيس فاني
250 غرام زبدة للتوراق
طريقة تحضير شنيك بتي بان بطريقة ناجحة جدا
كنجمعو جميع المكونات بالماء الدافئ ونحرصو ما تكونش لا رطبة ولا قصة

كندلكوها شوووووية

 كنعملوها في اناء ونغطيوها ببلاستيكة

ونخليوها تخمر

هنا ها هي خمرات

كناخدو الزبدة ونعملوها في بلاستيكة كما هو واضح

كنطلقوها بالمدلك حتى كيصبح السٌمك ديالها لا يتعدى 3 أو 2 سنيم

كفتحو البلاستيكة بهاد شكل

ونزلوها مباشرة فوق العجين لي طلقنا من قبل بهاد شكل

الزبدة خصها تكون غير في 3/4 ديال العجين كما هو معروف

كنطويو الجهة لي ما فهاش الزبدة هي الاولى 

من بعدها الاخرى لي فيها الزبدة بحيث غادي يصبح عندنا عجين مطوي على 3

كنطلقو العجين في تجاه واحد وهدا ضروري وما تخفوش راه الزبدة ما غديش تخرج ليكم

ونطويوها على 4

وكنطلقوها مرة اخرى 

ونطويوها على 3 ونعملوها في بلاستيكة

 وندخلها للثلاجة لمدة نصف ساعة ومن بعد نحضرو بيها  

  بتي بان او شنيك لكم الاختيار

وعند الاستعمال ما نطلقوش العجين بزاف ضروري تبقا غليضة شوية
بالنسبة للبتي بان
نقطعو العجين على شكل مستطيل صغيرونلفوها لفة وحدة على نفسها كما هو واضح

ممكن نديرو الشكلاط في الوسط إلا بغينا

بالنسبة للشنيك
  كنطلقو العجين وندهنوها باش ما بغينا ، انا استعملت هنا كريم باتسيير والشكلاط
ممكن تعملو المربي والزبيب او عقدة اللوز... وكيجي غزال
انا شخصيا كنفضل الاختيار الاول كيجي هائل

ونلفو العجين بهده الطريقة

وندخلوها للمجمد حتى تقصاح ونقطعوها كما في الصورة 

نعملو الكل فى لاطة الفرن وندهنوهم بالبيضة مخفوقة والفاني ونخليوهم حتى يخمرو
ومن بعد ما يخمرو كندهنوهم مرة اخرى وندخلوهم يطيبو في فرن مسخن من قبل

ونزينوهم باش ما بغينا

وهاهو شنيك بتي بان بطريقة ناجحة جدا واجد

بالصحة والراحة