فخيدات الدجاج فالفران بالبصلة والصوص صويا لذاذ بالصور
موقع نسوة يقدم لكم فخيدات الدجاج فالفران
مقادير فخيدات الدجاج فالفران
فخيدات الدجاج حسب الحاجة + بصلة محكوكة + ملح +ربيطة قزبور ومعدنوس مقطع رقيق + زعفران + نص م ص إبزار + نص م ص سكنجبير + ربع م ص خرقوم
ربع م ص قرفة + ربع م ص كامون + م ك تحميرة + زيت بلدية ( غير شوية أي حاجة كنطيبها فالفران مكنكترش لها الزيت )
+ م ك صويا (صوص هاد الصويا لي عندي خاترة يعني غير م ك كافية إدا كانت خفيفة كنعمل زوج أو 3 )
+ 3 بصلات مشنفين ( أنا مصورة غير 2 لكن عملت 3 وممكن تزيدو )
طريقة تحضير فخيدات الدجاج فالفران بالصور
كنخلطو جميع التوابل مع البصلة محكوكة والربيع والصويا صوص والملح ونشرمل الفخيدات
كنفرشو البصلة فاناء الفرن والشرمولة لي بقات من الفخيدات كنخويها على البصلة ونستفو الدجاج فوقها ونغطيوها ونخليوها تترقد مزيان أنا شرملتهم وخليتهم تقريبا 24 ساعة
وندخلهم لفران مغطيين بورق الألمنيوم أو ورق الطبخ، الفرن مسخن من قبل فالأول على 200 درجة ونقصو وغير يبداو يغليو نقصو ل 180 ملي مرة مرة نشوفوهم ملي يدخلهم
الطياب مزيان نحيدو الغطا ونعليو درجة الحرارة ل 200 باش ينشف ويتحمر مزيان وفالعموم كل وحدة أدرى بالفران لي عندها
نرافقوهم بالروز والفريت
وهذا الشكل النهائي لفخيدات الدجاج فالفران
ليست هناك تعليقات :