من طرف موقع نسوة:
لحم الغنمي باللوز والروز
طريقة تحضير لحم الغنمي باللوز والروز للعيد
مقادير لحم الغنمي باللوز والروز
كيلو لحم الغنم
بصلة
ملعقة صغيرة سمن
نصف كاس مخلط زيت بلدية والرومية
الملح+ابزار+الزعفران الحر+القليل من الزعفران الملون
طريقة تحضير لحم الغنم باللوز والروز بالصور
نديرو في الطنجرة كيلو اللحم و بصلة نقطعوها على شكل جوانح + معلقة صغيرة السمن + نصف كاس صغير مخلط مابين الزيت البلدية و الرومية + الملح و الابزار و الزعفران شعرة و القليل من الزعفران الملون
تم نضيفوا كاس صغير ديال الماء و نعملوا الطنجرة فوق العافية حتى يتشحرلينا اللحم مزيان
من بعد ما تشحرات نضيفو 125 غرام اللوز مسلوق و مفسخ تم نرويوا الطنجرة
بالماء الكافي فاش يطيب لينا اللحم تم نغطيوا الطنجرة بلا منسدوا عليها و نخليوا اللحم يطيب على عافية متوسطة
منين يقرب يطيب اللحم نضيفوا بصلة اخرى مقطعة على شكل جوانح
و نسدوا الطنجرة حتى يكمل اللحم الطياب و البصلة و نحاولوا البصلة نخليوها تبان شوية في الطياب اي ماشي نطيبوها حتى دوب باش تعطي المنظر في التقديم
بالنسبة للروز
نسلقوا الروز مع شوية الملح و الزعفران الملون حتى يطيب و نصفيوه تم نشحروه واحد الشوية في شوية الزبدة
وهذا الشكل النهائي للحم الغنمي باللوز والروز
ليست هناك تعليقات :