من طرف موقع نسوة:
طورطة بالشكلاط
طريقة تحضير طورطة بالشكلاط بمذاق ومنظر لايقاوم
مقادير طورطة بالشكلاط بالصور
مقادير الكيكة الاسفنجية
5بيضات
125غ سكر
125غ طحين +50غ كاكاو مر
م ص خمارة +فاني
طريقة تحضير طورطة بالشكلاط بالصور
كنخدمو البيض والسكر والفاني بالطراب الكهربائي من 10 الى 15 دقيقة حتى يبياض ويتقال ويولي بحال لكريم
تم نزيدو الطحين والكاكاو والخمارة مغربلين مرتين
ونحركوهم بملعقة خشبية برفق من التحت الى الفوق ونعملو الطورطا في مول وندخلوها طيب نصف ساعة والفرن يكون سخون من قبل
وملي تخرج نخليوها تبرد
ونقطعوها على تلاتة
ونسقيوها بالسيرو لمحضر من سكر وماء ونيسكافي
او بهاواي انا عملت الطبقة الاولى والاخيرة بهاواي والوسطى بالسيرو
ثم نعملو الكريمة (طريقة التحضير في البيت من هنا )
مقادير الكريمة
صاشي كريمة +1/4 لتر حليب بارد جدا
تخدم حتى تطلع
او عملي الكريم فريش تتكون الد
ونرشو فوقها الفواكه مقطعين ثم طبقة ثانية من الكيكة ونكملو بنفس الطريقة
وفي الاخير نغلفوها كاملة بالكريمة
ثم نزينو الجوانب بالشكلاط فيرميسيل
ومن الفوق بالشكلاط على شكل اخشاب كيف ما مبين في الصورة
كندوبو الشكلاط مع قليل من الزبدة ونبسطوه في كاغيط خاص او فوق بالستيكا
ونخليوه ينشف غير هنيهة ونلويوه رولي ونخليوه ينشف تماما ونحلوه وغادي نحصلو على اشكال خشب
ونزينو بيهم من الفوق ونرشو السكر كلاصي من الفوق ونزينو بالكريمة والكرز
وهذا الشكل النهائي للطورطة بالشكلاط
ليست هناك تعليقات :