شهيوات عيد الأضحى 2013 في المناطق الصحراوية بالصور

من طرف موقع نسوة:
شهيوات عيد الأضحى 2013 في المناطق الصحراوية
طريقة تحضير شهيوات عيد الأضحى في الصحراء

أول حاجة و أهم حاجة عندنا في عيد الأضحى و سر اللذة ديال الأطباق هو الخل البلدي ماشي الخل ديال الحوت لا هذا خل بالأعشاب هو كانصايبووه نهار 2 من دي الحجة و ماكايتحلش حتى لنهار العيد :

الخل البلدي 

الحنة وراق /الورد /السنبل /تارة /الريحان /الملحة الحية /الزعتر /لحية الشيخ /زغب لكبال التمر /الحامض تقريبا 2 دراهم من كل حاجة كانديرو نفس الكمية من كل حاجة ف بيدو ديال 5 لتر و نعمرو عليهم الماء سخون شوية وتغطى بالميكة و الغلاقة و مايتحلش كيف قلت حتى لنهار العيد باش نخدمو بيه 

من بعد ما ندبحو و نساليو طريقتي باش نخوي المصران كاناخدو هاديك الشركة لي كايكون مربوط بيها نعناع أو الربيع كانلويوها على المصران و نجر ماعرفتش واش الفكرة مفهومة من بعد كانحكوهم بالملح مزيان و كانغسلوه و نديروهوم في شبكة يقطرو ونكونو غسلنا الكرشة مزيان و كلشي نقي كاناخدو شوية من كلشي باش نصاوبوو تقلية و الباقي كانصاوبو بيه الكرداس و هادي الطريقة 

الكرداس :

الكرشة 

الرية 

ألقرجوطة 

الشحمة 

كانشواحهوم طوال كيف باين في صورة كانديير ليهم ليقامة 

تومة 

الخل البلدي 

التحميرة 

الكمون البزار سكينجبيير الخرقوم الملح ندوقوه مايكونش مالح حيت الخل فيه الملح 

صافي يتنشر و الكرشة حتى هي تاتيقم و تتنشر

 حتى يكرمو خاصو يكرم باش مايدوادش من بعد يتقطع رقيق


و نزيدو ليه العطرية مرة أخرى و الخل و يتعرك مزيان

حتى نقادروه نشكلوه كرات و الكرشة تترطاب في الخل حتى ترطاب تتقطع حسب حجم الكرات

 و الصور كاتوضح ملي نكملوه يتكرم و نخابيوه في المجمد 
 

القديد 

كانديرو ليه نفس العطرية 

الشكوة :

هي لحم حتى هي كاتقطع طويلة تكرم و تتقطع

و كانعمروها في المصران لكبير اه لكبير كايتحوك بي الموس بعد مانقلبوه و يتحك بي الملح و نديرو ليه ليقامة بحال الأولي و صور كاتوضح 

لخلييع :

كاناخدو اللحم لي كايكون فوق الضلوع و نقطعو منو اللحم كانرجعو هوم طوال

 كانديرو ليهم تومة مدقوقة مع الملح شوية بزايد /القزبر يابس /شوية البزار غير شوية الخل البلدي يخلط و يكرم