من طرف موقع نسوة:
شهيوات عيد الأضحى 2013: كتف الغنم مشوي في الفرن
شهيوات العيد الكبير: كتف الغنم مشوي في الفرن بالخطوات المصورة
مقادير شهيوات عيد الأضحى 2013:
كتف الغنم مشوي في الفرن
كتف غنم أو فخد حسب الرغبة + شوية زيت بلدية + 2 عويدات قرفة + ربع م ص إبزار + ربع م ص سكنجبير + شوية زعفران شعرة (ممكن الإستغناء عنه) + شوية ملح
طريقة تحضير كتف الغنم بالصور
كنغسلو اللحم ونخليوه يتستقطر مزيان وينشف
نعمل التوابل مع الزيت إلا القرفة
ثم ندهن اللحم بخليط الزيت والتوابل ونعمل فتحات صغيرة بواسطة سكين
كنديرو عويدات القرفة ونديرو عليهم اللحم وندخلوه لفرن ساخن على 250 درجة باش تاخد لون ومن بعد نقصو ل 180 درجة ونغطي اللحم بورق الألمنيوم ونحاول منخليش للبخار منين يخرج
ونخليوه يطيب كياخد تقريبا من 3 سعات إلى 3 سعات ونصف حسب اللحم لي عندكم المهم ضروري أنكم تجربوها واش فتية أو لا إدا كانت بقا ما عليكم غير ترجعو تغطيوها مزيان
منين طاب نحيدو ليه الألمنيوم ونخليوه يزيد يتحمر
ونرافقوه بالفريت و مطيشة والبصلة مشحرين فشوية زيت وإبزار وملح وشوية تحميرة
وطبعا شوية الملح والكامون ضروريين للشوا
ونزينوه بالجزر مسلوق والزيتون أخضر
ممكن تزينوه بقطع الفروماج والموتاديلا حسب دوقكم
وهذا الشكل النهائي لكتف الغنمي مشوي في الفرن
afakom 3lach katm7iw chi atba9 kanjiw kan9lbo 3lihom kanl9awhom tam7aw
ردحذفالسلام عليكم اختي غير قلبي مزيان وغادي تلقاي الوصفات لي بغيتي
ردحذف