من طرف موقع نسوة:
وصفة كتحبس تساقط الشعر
طريقة تحضير وصفة لتساقط الشعر
مكونات وصفة لتساقط الشعر
100غ قرنفل مطحون
50غ ثوم مطحون
زيت الخروع + زيت الذرة (ديال الطياب)
شوية من زعفران شعرة
طريقة استعمال وصفة لتساقط الشعر
نخلط هاد المقادير مزيان ونخلهوم يرتاحو 30 دقيقة غدين تلقاوهم نشفو زيدو من زيت الذرة حتى يولي الخليط قابل للدهن و من بعد ديروه فالفروة ديال الشعر و حكوه مزيان و ديرو على الشعر الميكة ديال الأكل (بالفرنسية Papier Cellophane) و ديرو فوقها زيف و خليوه ساعة (ولا بغيتوا نتيجة أحسن خودو فوطة كبوا عيلها الماء سخون عصروها وديروها تحت الزيف)، و من بعد غسلو الشعر عادي،ملاحظة الريحة ديال القرنفل كتكون قوية وكتبقا في الشعر ولكن راها زوينة ولي مبغاتهاش تبقى تاخد شوية ديال خل التفاح مع الماء الساخن وتخشو على شعرها وتغسل بالماء ودهنو شعركم بالزيت لي مولفين كتستعملو
ٱخر حاجة نبغي نضيف للي بغات تستافد من هاد الوصفة مزيان ديرها 2 مرات في الأسبوع و المرة الثالثة تاخد بصلة كبيرة وطحنها في مولينكس و تعصرها مزيان تاخد الماء ديالها وديرو فالفروة ديال الشعر وتخليه 2 ساعات وتغسل عادي
أنا هاد الوصفة كنديرها ديما و خصوصا فاش كتجي بعض الفترات شعري تيطيح فيها بزاف كنتبعها شهر واحد من بعد صافي مكنبقاش نديرها
ليست هناك تعليقات :