كيكة دانيت بكريمة الكوك

موقع نسوة يقدم

كيكة دانيت بكريمة الكوك

من الاخت أمة الله

مقادير كيكة دانيت بكريمة الكوك
(العبار بكاس دانون دانيت ديال 90غ)
5 بيضات
كاس دانيت بالكراميل
3 كيسان سنيدة
3/4 كاس زيت
كاس كوك محمر ومطحون
4 معالق كبار قهوة معصرة
3 كيسان طحين
3 خمارات

طريقة تحضير كيكة دانيت بكريمة الكوك

 طربي البيض مع سنيدة وقريصة الملح

نقصي من سرعة الخلاط و زيدي الزيت و القهوة و دانيت والكوك

زيدي الطحين مغربل مع الخميرة و حركي بسباتيل

  طيبيها بحال أي كيكة عادية و خليها تبرد
مقادير كريمة بالكوك
1/4 لتر حليب
3 معالق كبار سنيدة
3 معالق كبار كريم باتسيير
80غ شكلاط
معلقة كبيرة زبدة
5 معالق كبار كوك محمر

عملي الشكلاط مع الزبدة يدوب
وفوق نار مهيلة عملي الحليب مع غبرة الكريم باتسيير و سنيدة وحركي حتا يعقاد
ملي يعقاد زيدي الشكلاط المدوب ثم الكوك المحمر

قسمي الكيكة على جوج و سرحي الكريمة وغطيها بالطبقة الثانية ديال الكيكة
وحتا جناب الكيكة

مقادير  وطريقة عمل الكلاصاج
دانيت بالكراميل
100 غ شكلاط ابيض
في بان ماري كتسخني دانيت و تزيدي الشكلاط حتا يدوب و سرحي فوق الكيكة
وكتعملي نقيطات كبار بكلاصاج اسود (انا كندوب الشكلاط مع شوية الحليب)
و كتعملي خطوط عشوائية وتحصلي على شكل رخامي
وفي جناب خديت كمية من الكوك و نفس الكمية من الكوك المحمر خلطتهم

و زوقت بيه جناب

هاهي كيكة دانيت بكريمة الكوك واجدة

بالصحة والراحة

كيكات أخرى

كيكة بالفواكه الجافة

http://www.niswa1.com/2013/12/blog-post_28.html 

كيكة بالليمون والسميدة

 http://www.niswa1.com/2013/11/blog-post_4074.html