طورطة بالكريمة

طورطة بالكريمة
موقع نسوة يقدم لكم طورطة بالكريمة
مقادير وطريقة تحضير طورطة بالكريمة بالصور
 
مقادير طورطة بالكريمة  
الجينواز المعتمدة:

عملت وحدة بنكهة البرتقال ووحدة بالكاكاو 

قسمت كل وحدة على 2 

أنا هنا بغيت طارطة تجي عالية يمكن لكم تعملو غير وحدة وتقسموها على 3 حبات

 6 بيض في حرارة المطبخ + 180 غ سكر + 180 غ دقيق مغربل 2 مرات + 1 م ص خميرة الحلويات مرة كنعملها ومرة لا هنا أنا استعملتها لأنها كتخلي الجينواز تكون مقطنة أكثر +بشر البرتقال 

نفس المقادير بالنسبة للجينواز بالكاكاو فقط ننقص م ك من الدقيق ونعوضها بملعقة كبيرة كاكاو ونضيفو عليها ربع ملعقة صغيرة من فاني غبرة 

طريقة تحضير طورطة بالكريمة

نطرب البيض ونبداو نضيف السكر والنكهة المفضلة عندي ونطرب حتى يتضاعف الحجم 3 مرات ويبهات لونو 

ثم نبدا نضيف الدقيق شوية بشوية مع التحريك من لتحت لفوق باش نحافض على كمية الهوا لي دخلت للبيض والسكر 

ندخلوها لفرن مسخن مسبقا على 180 درجة وغير تتحمر شوية من لفوق نشوفها واش طايبة من الداخل ونخرجوها من الفرن

نسقيو الجينواز ونعملو عليها كمية من الكريم فريش مطرب وطريفات من الفريز

ونكررو نفس العملية حتى نوصلو لآخر قطعة من الجينواز ونعملوها فالكونجيلاتور في هذه الاثناء نوجدو الكريمة بصفار البيض 

هاد الكريم كيشبه لكريم باتسيير لكن الفرق في كمية صفار البيض وأيضا كيتخدم بالماء ماشي بالحليب 

 مقادير وطريقة تحضير الكريمة
 6 أصفر بيض + وزن أصفر البيض سكر (تقريبا كاس صغير سكر)+ 30 غ نشا + 180 غ ماء + راس ملعقة صغيرة من الملون الغذائي أصفر

 نطربو اصفر البيض شوية مع الماء ونصفيوه

نخلطو النشا مع السكر ونضيفوهم لخليط البيض والماء ونضيف الملون

نخلطو ونديروهم فوق نار مهيلة مع التحريك المستمر حتى يعقاد الخليط 

نخويوه مباشرة فوق طورطة نرشو عليه كمية من السكر البني ونحرقوه باش يرجع كراميل

نزينو طورطة بالكريم فريش وبين الكريمة نعملو طريفات النوغا

ونزينو جناب

نعملت شكلاط ذايب فوق بلاستيك غذائي ونعملو خطوط ونخليوه واحد الشوية ونلويوه ونلصقوه ونخليوه حتى ينشف ونصبغوه بالبوردة الذهبية

 وهذا الشكل النهائي ل طورطة بالكريمة
 
 بالاضافة لطورطة بالكريمة هناك طورطات رائعة على الروابط التالية:
طورطة على شكل فراشة
http://www.niswa1.com/2013/05/blog-post_9.html
طورطة الطبقات للمناسبات
 http://www.niswa1.com/2013/05/blog-post_2386.html
طورطة باربي
http://www.niswa1.com/2013/05/blog-post_7169.html