طرونش بالحامض

طرونش بالحامض
موقع نسوة يقدم لكم طرونش بالحامض
طريقة تحضير طرونش بالحامض بالصور

مقادير طرونش بالحامض

جينواز 
3 بيضات+كاس سنيدة+كاس دقيق+نصف خميرة حمراء+فاني

نطرب البيض والسكر حتى يتضاعف الخليط تقريبا 20 دقيقة ديال تطراب 

من بعد نزيدو كاس دقيق مغربل ونصف خمارة وفاني ونخلطو بملعقة غير بشوية وفي نفس الاتجاه 

ندخلوها الفران تطيب راه دغيا كطيب حيت رقيقة وخفيفة 

مكونات كريمة الحامض

 3 بيضات 

كاس ونصف سكر كلاصي او حسب الدوق 

2 حامضات 

قشرة حامضة 

معلقة صغيرة نشا 

معلقة كبيرة زبدة

ومعلقة صغيرة زبدة ملي تطيب لكريمة

نخلط البيض بفرشيط 

وناخد السكر كلاصي نخلطوه مزيان مع الحامض وقشرة الحامض

ونزيدو البيض لي خلطنا من قبل ومعلقة نشا محلولة فشوية الماء 

ومعلقة كبيرة الزبدة 

ونحطو الكاسرونة فوق نار مهيلة حتى تعقاد 

وملي توجد نزيدو معلقة صغيرة زبدة ونخليو الكريمة تبرد 

نوجدو الكريم شونتي  

والسيرو: درت فيه كاس الماء كبير+ نصف كاس سنيدة +معلقة كبيرة عصير الحامض ونخليوه يغلى 10 دقائق 

ونقطعو الجينواز على ثلاث قطع مستطيلة

تم ندهنو الطبقة الاولى بالسيرو 

ونحطو فوقها الكريم شونتي 

وفوق منو كريمة الحامض

ونوضعو طبقة جينواز فوق منها ونعاودو نفس الطريقة حتى نكملو الطبقات اللي عندنا انا درت 3 طبقات 

ونغلفو طرونش ببلاستيك غدائي وندخلوها لفريكو حتى تبرد باش نقدرو نقطعوها 

وملي تبرد طرونش بالحامض نزينوها بالشكلاط مدوب 

هاهي الطرونش بالحامض واجدة