حلوة باللوز والكراميل لذيذة بالصور

من طرف موقع نسوة:
حلوة باللوز والكراميل
طريقة تحضير حلوة اللوز بالكراميل

مقادير حلوة باللوز والكراميل بالصور

1كغ اللوز أخضر 

5أو 6 بيضات 

2 فاني

300غ سكر كلاصى 

2 خميرات ألزا

ملعقة كبيرة من الزبدة

التزيين 

حليب محلى مركز

بياض البيض

اللوز افيلي

طريقة تحضير حلوة باللوز والكراميل بالصور

ناخد حليب نستلى ونحطوه فكوكوت ونغطو حليب نستلى بالماء ونسدو عليه ونحطوه فوق النار ونخليوه ساعة باش يرجع كراميل من بعد ساعة نزولوه من الماء ونخليوه يبرد

ناخدو اللوز ونطحنوه ونضيفو عليه السكر و الفاني والخميرة ونخلطو

ونضيفو عليه زبدة ونخلطو

ونبداو نجمعو الخليط بالبيض واحدة بوحدة

 وادا شفنا الخليط باقي خاصو غير شوية نزيدو ليه غير صفر ودا كان باقي خصو شوية نزيدو ليه البياض 

حتى ترجع العجينة خفيفة شوية ماشي بزاف

من بعد ناخدو شوية من الخليط ونكوروه فيدنا ونعملو فيه حفرة 

ونعملو فيها شوية ديال كراميل

ونشدوها غير بشوية باش ميخرج الكراميل

نفندو الوجه فبياض البيض

ثم نفندوه فاللوز افيلي ونحطوه ف لاطة مدهونة بالزبدة والمرشوشة بالدقيق وندخلوه للفران

هاهو الشكل النهائي لحلوة اللوز والكراميل