من طرف موقع نسوة:
الكتف محمر للعيد
طريقة تحضير الكتف محمر للعيد بالصور
مقادير الكتف محمر
معلقة صغيرة لكل من هد التوابل
ملح +ابزار+ سكينجبير +خرقوم بلدي+ تحميرة+ كمون+ شوية الزعفران شعرة مسخن ومحكوك+ شوية السمن
معلقة كبيرة من الموطارد وتقريبا 5 ضريسات ديال التوم مطحون
واللحم بطبيعة الحال انا هنا عملت الكتف يمكن ليكم تعملوا اي حاجة طريفات اللحم عاديين او الضلعة
طريقة تحضير الكتف محمر بالصور
تنخلطو جميع العطرية لي عندنا ونشرملو بيها اللحم مزيان ونخليوه مرقد واحد الساعة تقريبا والا كانوا جايين عندك الضياف من الاحسن يترقد ليلة كاملة
تنحطوا فالكوكوت وتنرش عليه معلقة صغيرة قزبر حبوب تكون مطحونة من قبل واحد ضريس ديال التوم صحيح و نزيدو تقريبا 3 كيسان عنبة ماء ونسدو عليه فالكوكوت متنقليوه
مرة مرة تنهزو الكوكوت ونبقاو نحركوها وهي مسدودة ونرجعوها فوق العافية ملي نحسو بيه شرب الماء تنحلو عليها الى لقينا اللحم طاب صافي ملقيناهش تنزيدو الماء ونسد عليه مرة اخرى
هنا اللحم طاب نحيدوه ونحطوه فاللاطة لي غتدخل الفرن وندهنوه بالزبدة وشوية زعفران شعرة
نحطوه في الفران يتحمر من 2 جيهات
هنا رافقتوا مع خضرة مبخرة وملي طابت خويت عليها زبدة والملحة والابزار والكمون كل حاجة بوحدها
ونقدمو الكتف محمر
ليست هناك تعليقات :