حلوة بالكوك كتجي معلكة بالصور

من طرف موقع نسوة:

حلوة بالكوك

طريقة تحضير حلوة بالكوك

مقادير حلوة بالكوك بالصور
ابيض البيض 180 غ تقريبا ما يعادل خمسة من بياض البيض اذا كان البيض كبير و ستة اذا كان البيض صغير
400 غ السكر
270 غ الكوك الرقيق أو جوز الهند
كيس من الفاني
قشرة برتقالة محكوكة

لتزيين حلوة الكوك المعلكة
الشكلاط +المربى+ الاناناس او حسب الرغبة
طريقة تحضير حلوة بالكوك بالصور

 كنديرو في حمام مريم البيض والسكر والكوك على نار مهيلة ونخلطو مزيان لمدة 25 الى 30 دقيقة

حتى نحصل على خليط رخو كما في الصورة
نحيدوه من فوق النار و نضيفو ليه قشرة البرتقال و نخلطو حتى يتجانس الكل

نخليو خليط الحلوة يبرد تقريبا ساعة
منين يبرد الخليط كنشكلوه كويرات ونديرو حفرة في الوسط بالأصبع
و نستفوها في الطاوة وتكون الحلوة متباعدة على بعضها

كنزينو الحلوة حسب الرغبة انا هنا زينت بالشكلاط والاناناس والمربى

و ندخلهم للفرن المسخن على درجة عالية لمدة 18 الى 20 دقيقة
منين تحمر الحلوة كنخرجوها وكيكون لونها ابيض من الداخل
كيكونو مقرمشين من الخارج و رطبين من الداخل

ونقدمو حلوة الكوك بالصحة والراحة