لازانيا بطريقة مميزة بالصور
طريقة تحضير لازانيا بالصور
مقادير لازانيا
نصف باكيا لازانيا تقريبا 12 وحدة +كفتة +بصلة مشلضة +شامبينيو +صوص soja +ربيع +2 جزر +ملح +بزر +شوية كوزة
دابا مقادير البشاميل : لتر حليب +ساشي ديال بشاميل ماجي +شوية كريم فريش نزيدوها في الأخير + فرماج احمر
طريقة تحضير لازانيا بالصور
أول حاجة كانبداو ب لازانيا، أنا كندير مقلة كبيرة وكانبدا نسلق 3 ب 3
ولي تسلقات نحطها فوق منديل ناشف وهكذا حتى يكملو
من بعد كاندوزو للحشوة كنديرو البصلة تشحر مزيان مع شوية الملح و البزار
من بعد حتى كاتبدا تبياض كانضيفو شامبينيو وكانخاليوه يتشحر مزيان
ومن بعد كانزيدو الجزر محكوك فالحكاكة رقيقة وطويلة وكنخليو كولشي يتشحر
ومن بعد كانزيدو الكفتة والربيع وصوص soja والكوزة ونخلي كلشي يتشحر على عافية مهيلة مزيان وفاش كايوجد كانطفيو عليه
من بعد كاندوزو نوجدو البيشاميل : كاناخدو الحليب بارد قبل ماندروه فوق العافية كانكبو فيه ساشي ماجي بشاميل كنخلطوه مزيان عاد كينديروه فوق عافية مهلة مع
التحراك حتى يقرب يعقاد كانزيدو معلقة كريم فريش وفاش يعقاد كنطفيو عليه
من بعد كاناخدو مول وكاندهنوه بالزبدة وكنديرو طبقة اولى ديال لازانيا
كينديرو البشاميل
وكانزيدو الحشوة وكانزيدو الفرماج و طبقة أخرى حتى نساليو كلشي واخر طبقة كنديرو لازانيا وبيشاميل وفروماج وكاندخلوه الفرن
ونقدمو لازانيا بالصحة والراحة
ليست هناك تعليقات :