من طرف موقع نسوة:
طورطة بالحامض
طريقة تحضير طورطة بالحامض في غاية اللذة
مقادير الطورطة بالحامض
بالنسبة للاموس:
250غ مسكاربون (نوع من أنواع الجبن)
110غ سكر
2غ agar agar او 3 وراق جلاتين نكونو مرطبينهم من قبل فماء بارد
20سل كريم فريش
2 حامضات كبار
بالنسبة لناباج:
2 حامضات
م ك نشا
30غ سكر
بالنسبة لقاعدة انا استعملت طبقة ديال كيك كان شاط ليا تقدرو تستعملو بيسكوي وطحنوه و تزيدو عليه زبدة دايبة حتى يبدا يتجمع
للتزيين:
قشور حامض
شكلاط دايب
و شكلاط malteser
طريقة تحضير الطورطة بالحامض بالصور
نخدمو لماسكربون بالفرشيط
فكاسرونة نحكو حامضة و عصير 2 حامضات ونضيفو سكر و agar agar نخلط مزيان
نديروها فوق النار غير يغلاو و نحيدوهم و نخلوهم يبردو شوية
نضيفو الخليط على المسكاربون و نخلطو مزيان
نطربو لكريم فريش و نضيفوها على لخليط و نحركو بشوية
نديرو طبقة رقيقة ديال لكيك فلمول
و نصبو لخليط
وندخلوها لثلاجة تبرد
بعد مرور 2 ساعات ناخدو كاسرونة ونديرو فيها عصير 2 حامضات و سكر و نشا و نخلطو مزيان
ونديروهم فوق نار باش يختارو مع تحراك
منين يبرد الخليط نصبوه فوقو
مل ندخلوها لثلاجة خاصها 6 ساعات باش تشد فراسها
لتزيين نقطعو قشور حامض على طول و نديروهم فكاسرونة مع لما و نديروهم فوق نار غير يغلا
لما نصفيوهم و نكررو هاد لعملية 3 لمرات
لمرة رابعة نغطيوهم بلما و نزيدو عليهم قد لوزن ديال هاد لقشور من السكر ونخلطوهم و نديروهم فوق نار 30د
ونديروهم ينشفو 4 ساعات لي غانديرو للتزيين نقوسوهم ولي شاطو نحتافظو بيهم
وندوزوهم فشكلاط
و ندخلوهم لثلاجة شوية و نزوقو بيهم
ليست هناك تعليقات :