عصير الليمون اقتصادي وبكمية كثيرة بالصور

من طرف موقع نسوة:
عصير الليمون بكميات كثيرة بالصور
طريقة تحضير عصير الليمون

مقادير عصير الليمون بالصور

2,5 كلغ الى 3 كلغ ليمون مقشر

حامضة كبيرة شوية

كمية وافية من السكر ضروري طوب كيجي احسن من السنيدة 

قشرة 2 ليمونات نحاولو ما امكن غير القشرة الليمونية

حجرة الليم او حمض السيتريك او السنيدة الحامضة كل واحد وكيف كيسميها معلقة صغيرة وهاد هو السر باش كتحافظ عليه وكيبقى مدة طويلة 

والماء بطبيعة الحال

طريقة تحضير عصير الليمون بالصور

كنقشرو كلشي "الحامض والليمون" ونحيدو العظومة ونديروه فالكوكوط 

كضيفو القشرة والسكر والماء

الماء الكمية اللي تغطي ليك المقادير

كنقفلو الكوكوط ونخليوها حتى تغلى ونقصو العافية حتى الحد الادنى باش مايسيحش ونحسبو تقريبا 20 حتى 30 دقيقة ونطيفيو البوطة ونعملوها في اناء كبير 

ثم تضيفو ملعقة صغيرة حجرة الليم كتعطيه الحموضة وكتحافظ عليه

حتى يبرد عاد نطحنوه ونصفيوه

ونبداو نضيفو الماء تقريبا 9 لتر على حساب

نعملوهم في قراعي ونعملوهم في الفريكو والوقت اللي بغيتيه كتخرجيه وكتخليه حتى يتطلق وضيفو ليه اي فاكهة موجودة عندكم او تعملو بيه كوكتيل 

هاهو عصير الليمون واجد