حلوة على شكل كيكة الطبقات بالصور

  موقع نسوة يقدم بالصور

حلوة على شكل كيكة الطبقات 

من الاخت لطيفة

 حلوة على شكل كيكة الطبقات

مقادير حلوة على شكل كيكة الطبقات
3بيضات
كاس سنيدة
كاس العنبة زيت
2 خمارات حمراء
فاني
نصف كاس شكلاط
4 كيسان طحين او حسب الحاجة
طريقة تحضير حلوة على شكل كيكة الطبقات
نضربو البيض مع سنيدة والزيت والفاني 

نزيدو الدقيق والخمارات شوية بشوية حتى تجمع لينا العجينة

 كتجي مرخوفة شوية 

 ندهنو يدينا بالزيت ونقسمو العجينة على 2 

القسم الاول نضيفو ليه نصف كاس شكلاط 

ممكن نضيفو كاكاو

والقسم الثاني نضيفو 2 ليه معالق فرينة او مايزينا 

ونجمعو لعجينات بجوج   

 نطلقو العجينات فوق بلاستيك غدائي 

ثم نعملو وحدة فوق وحدة 

ونمددوهم بالدلاك شوية 

ثم نطويو العجينة على 3 بحال لمسمن 

غدي نحصلو على مستطيل حتى هو نطويوه على 3

ندهنو المول ونحطو فيه العجين المحصل عليها

وندخلوه للفرن 45 دقيقة على نار ناقصة بحال طياب الكيك 

فاش طيب نزينوها بشكلاط اسود ونحكو عليها شكلاط ابيض 

ممكن نزينوها حسب الرغبة

وهاهي حلوة على شكل كيكة الطبقات واجدة

بالصحة والراحة