كيكة الجزر بالكريمة لديدة بالصور

موقع نسوة يقدم بالصور

كيكة الجزر بالكريمة لديدة 

كيكة الجزر بالكريمة لديدة 
مقادير كيكة الجزر بالكريمة لديدة 

مقادير الكيك
2 جزرات محكوكات خاص الوزن ديالهم يكون 200 جرام
3 البيضات
كأس(عنبة) دقيق
50 غرام لوز محمر ومطحون
كأس سنيدة (نعبرو دائما بنفس الكأس)
كأس ما عامرش زيت يعني كأس إلا ربع
2 أكياس خميرة كيماوية
1 كيس فاني
نصف معلقة صغيرة قرفة
نصف معلقة صغيرة سكينجبير
نصف معلقة صغيرة قعقلة
قبيصة ملح
راس معلقة صغيرة بيكاربونات الصودا ممكن الاستغناء عليها في حال متوفراتش 

مقادير الكريمة
بكية وحدة فيلادلفيا ، و لي ملقتهاش ممكن تستعمل بيرلي بدون سكر
معلقة ديال الحامض
4 معالق سنيدة
1 فاني 

طريقة تحضير كيكة الجزر بالكريمة لديدة
نطربو البيض و سنيدة مزيان نضفو الزيت 
 من بعد نزيدو خيزو محكوك في الحكاكة الغليظة 
و كيس فاني و لوز محمر و مطحون

ثم نخلطو الدقيق مع الخميرة الكيماوية و القرفة و سكينجبير و قعقلة
و نضيفوه على الخليط 

ندهنو المول و نصبو فيه الخليط 
وندخلوه لفران مسخن على درجة حرارة 150 مدة 55 دقيقة 
نشعلو في الأول غير التحت حتى تقرب تخرج عاد نشعلو لفوق 
ونخليوها حتى تحمر ونخرجوها

نخلطو مزيان كل مكونات الكريمة 
ثم نغطيو بيها الكيكة و ندخلوها لثلاجة ليلة كاملة 
باش تجي هشيشة اكثر ثم نزينوها باللوز ايفيلي 
وهاهي كيكة الجزر بالكريمة لديدة واجدة

بالصحة والراحة