بسكوي رائع للأطفال بالصور

موقع نسوة يقدم بالصور

بسكوي رائع للأطفال

من الاخت نجاة

بسكوي رائع للأطفال  

مقادير بسكوي رائع للأطفال
مقادير العجين الاولى
300 زبدة لينة
150 سكر كلاصي
بيضة
400 دقيق
قبصة ملح
المقادير الثانية
25 دقيق
فاني
25 كاكاو
مقادير الكريمة
125غ شكلاط بالحليب
30غ زبدة دايبة
30غ بندق محمر و مطحون
طريقة تحضير بسكوي رائع للأطفال
تنخدمو الزبدة مع السكر كلاصي حتى نحصلو على كريمة 

نضيفو البيضة ثم الدقيق و الملح

تكون عندنا العجينة تتلصق نقسموها على 2 

 نصف نضيفو ليه 25 غرام دقيق مع الفاني
والنصف الثاني نضيفو ليه الكاكاو ، نجمعو العجين و نخليوه يرتاح 30 دقيقة في الثلاجة

نطلقو العجين بالمدلك و نقطعوها دوائر بالكأس ، وناخدو غلاقة ديال قرعة
و نطبعو بها دائرة في الوسط بلا ما نقطعو العجين و نعملو 4 الثقب برأس الجيب الحلواني

 و نفس الطريقة للعجين بالكاكاو نطيبو البسكوي بلا ما يتحمر و نخليوه يبرد
لتحضير الكريمة ندوبو الشكلاط في حمام مريم ناخذوه و نضيفو ليه الزبدة دايبة ونخلطوهم

ثم نضيفو ليهم النوازيت مطحون مزيان حتى يطلق الزيت يمكن لنا نعوضو
النوازيت باللوز محمر بالقشرة أو نعملوغير الشكلاط و الزبدة ونوضعو
الكريمة في جيب حلواني أو بلاستيكة باش يسهال علينا و نوضعوها على البسكوي
نخليو الكريمة تشد راسها شوية نوضعو الكريمة على البسكوي الأبيض وتنغطيو بالبسكوي البني

ممكن نعملو شكل آخر ، نقطعو العجين دوائر مشنفة ونعملو 2 ثقب للعينين ونعملو الفم بالسكين
تنتمنى تجربو هاد البسكوي لوليداتكم تيجي مذاقو غزال أحسن من البسكوي لتيتباع 

وهاهو بسكوي رائع للأطفال واجد

بالصحة والراحة