ميني طارت سهلة واقتصادية بالصور

موقع نسوة يقدم بالصور

ميني طارت سهلة واقتصادية

من الاخت خديجة

ميني طارت سهلة واقتصادية  

مقادير ميني طارت سهلة واقتصادية
2 بيضات
خمارة
فاني او قشرة الحامض
كاس ص سنيدة
كاس ص فيه م ك زبدة ونكملوه بالزيت ومنعمروهش
ملح
والطحين ماكاملش 500غ(2 زلايف.زلافة1 عامرة والتانية كنخلي منها غي شوي)

للتزيين
كريم باتسيير
كونفتور
فواكه ح.الذوق

ميني طارت سهلة واقتصادية
طريقة تحضير ميني طارت سهلة واقتصادية
كنخلطو السوائل 

نضيفو الطحين مغربل والخمارة بشوي حتى تجمع وتبقى رطبة ونديروها شوي فالتلاجة.ولابغيتو تبيتوها أحسن 

ملي نخرجوها من الثلاجة نسرحوها ونقطعوها
ضروري نرشو الطحين بزاف تحت العجينة وفوقها وحتى الدلاك لان ماشي عجين مكسر بالزبدة هدا عجين بالزيت يعني رطب بزاف وكيتقطع شوية.ملي نرشمو لعجينة نهزوهم غي بالعقل بمساعدة الموس.

 ونديروهم فلاطة مرشوشة بالطحين فقط ممدهوناش ونتقبوهم بالفرشيط غي من الوسط

ويطيبو تقريبا 20 د كنشعلو لفوق ولتحت (كل وحدة وفرانها)

ممكن نعملوهم في المجمد حتى نحتاجوهم

ملي نبغيو نعمروهم نقلبوهم على التحت

ندهنوهم بالشكلاط او لكنفتور باش ميشربوش رطوبة دلكريما ويلواو

نزينوهم بالكريمة والفواكه المتواجدة وحسب الرغبة وندهنوهم من الفوق بالناباج
وهاهما ميني طارت سهلة واقتصادية واجدين

بالصحة والراحة