مورقات بكريمة اللوز والكلاصاج بالصور

موقع نسوة يقدم

مورقات بكريمة اللوز والكلاصاج

من الاخت نجاة

مورقات بكريمة اللوز والكلاصاج
مقادير كريمة المورقات
500 غ عجين مورق
25 غ بدرة اللوز
25 غ زبدة لينة
25 غ سكر كلاصي
25 غ بيض
10 غ دقيق
قشرة الحامض
مقادير كلاصاج المورقات
125 غ سكر كلاصي
25 غ أبيض البيض
15 غ دقيق
للتزيين
3 معالق كبار مربى المشماش
طريقة تحضير مورقات بكريمة اللوز والكلاصاج
تنخدمو الزبدة مع سكر كلاصي تنضيفو ليها البيض مع قشرة الحامض
أنا استعملت أصفر بيضة مع شوية من البياض أو نخلطو البيضة كاملة
و نضيفوه بشوية ثم نضيفو بدرة اللوز و الدقيق تنخلطو الكل و تنحصلو على كريمة

 تنطلقو العجين رقيق و تنقطعوه مستطيلات يكون العرض ديالها 10 سنتيم
تناخذو نصف المستطيلات تندهنوهم بطبقة رقيقة من كريمة اللوز
و تنغطيو بالنصف الآخر تنضغطو عليهم شوية باش يلصقو على الكريمة

لتحضير الكلاصاج تنخلطو سكر كلاصي مع أبيض البيض ثم الدقيق

تندهنو الكلاصاج على وجه المستطيلات و تندخلوهم واحد الساعة لثلاجة
تنخرجوهم وتنقطعوهم بالسكين الى مستطيلات عرضها 3 سنتيم و تنوضعوهم في طاوة
تناأخذو المربى يكون مصفي تنوضعوه في قمع من ورق الزبدة

تنقطعو راس القمع وتنعملو بيه خطوط مائلة ثم تنعملو خطوط معاكسة
تندخلوهم لفران يطيبو على 200 درجة 

وهاهي مورقات بكريمة اللوز والكلاصاج واجدة

 

وهدا الشكل النهائي لمورقات بكريمة اللوز والكلاصاج 

بالصحة والراحة