حلوة بحلاوة بالكاوكاو رائعة بالصور

موقع نسوة يقدم

حلوة بحلاوة بالكاوكاو رائعة

حلوة بحلاوة بالكاوكاو رائعة

مقادير حلوة بحلاوة بالكاوكاو رائعة

مقادير العجين
اربع زلايف دقيق يعني حوالي كيلو تقريبا
كاس سكر كلاصي
كاس مازهر
رابعة زبدة ماركرين
ماء دافي للعجين

 حلوة بحلاوة بالكاوكاو رائعة

طريقة تحضير حلوة بحلاوة بالكاوكاو رائعة
طريقة تحضير العجين
نجمعوالعجين ونخليوها شوية قاصحة وندلكوها مزيان ونديروها في بلاستيكة ونخليوها ترتاح على ما توجد الحشوة
من بعد ناخدو ثلث العجين ونضيفو ليه الكاكاو وندلكها مزيان باش يدخل فيه مزيااااان

مقادير الحشوة
كيلو كاوكاو محمر ومقشر ومطحون انا مكنطحنوش حتى يتنيل كنخليه يتقرمش شوية
كاس ونصف سكر كلاصي
نص كاس ما زهر
والعسل باش نجمعو الخليط و نخليوه شوية ناشف بحال الصورة

العجينة اللي نسرحوها لتحت تكون بيضة او لي بغا يدير فيها الكاكاو يدير 

 ونسرحو فوقها الحشوة بشكل متساوي

 وندهن بابيض البيض مزيااااااااااان
نسرحو العجينة بالمدلك ونخرجوها من الآلة من الجهة ديال سباكيتيى
وكنبداو نحطو الخيوط انا كندير أربعة بيضين وأربعة كحلين كيجي شكلها زوين
بيني وبينكم كتشد اليد ولكن منين كطيب كتعجبني النتيجة وكتمشي تمارة كلها

هنا مني كملت تستاف الخيوط
ناخد العجينة البيضا والكحلة ونسرحها ونقطعها وريدات صغار بحيت تكون وحدة اصغر من وحدة
نقطعها الى مربعات او معينات لكم الاختيار وفي القنت ديال كل مربع ندير نقيطة ديال الما ونحط فوقها وردة صغيرة

وندخلوها للفران حتى الطيب انا مكنخليهاش تتحمر من الفوق ونكبو عليها العسل ونخليوها تشرب مزياااااااان

نديرو عقيقة في وسط الوردة ونرشو بالبريو ونديروها في الكويغطات

وهاهي حلوة بحلاوة بالكاوكاو رائعة واجدة

وهدا الشكل النهائي لحلوة بحلاوة بالكاوكاو رائعة 

بالصحة والراحة