صابلي سهل وبسيط بثلاث نكهات بالصور

موقع نسوة يقدم

صابلي سهل وبسيط بثلاث نكهات

مقادير صابلي سهل وبسيط بثلاث نكهات
200 غ زبدة لينة
كاس معامرش سكر كلاصي(لي تتبغي الحلاوة تزيد)
كاس إلا ربع زيت
2بيضات
2فرماجات
حك ياغوورت من الاحسن تاع الفاني انا مكانش عندي درت اكتيفيا
خنيشة فاني
ورشيشة خميرة حلوة
قبصة ملح
دقيق حسب الخلييط

النكهات(اختيارية)
كوك
قهوة سريعة الذوبان
كاكاو
للتزيين
حليب مركز محلى
كاوكاو محمر ومهرمش
مربى
شكلاط
 طريقة تحضير صابلي سهل وبسيط بثلاث نكهات
تنخدمو الزبدة مع السكر كلاصي مزياان حتى يولي بحال الكريم
ثم نضيفو الفرماج والزيت ونعاودو نخدموه عاد البيض فاني وياغوورت

نجمعوها بالدقيق ونخليوها شوية مرخووفة على اساس غادي نزيدو النكهات ونقسموها على 3 أجزاء
جزء نزيدو عليه نص كاس كوك
وجزء نزيدو عليه معلقة كبيرة نيسكافي مذوبة فشويية الماء
وجزء نقصو منو شوية ونزيدو عليه الكاكاو والاخر نخليوه هكاك

من بعد تنديروهم فطبسيل ونغطيوهم بفيلم المونتير وندخلوهم لثلاجة لمدة ساعة

منين تدوز ساعة تنورقو العجين الاول لي خليناه عادي بنكهة الفاني ونقطعوه دوائر ونخرجو بالبوق العجين لي زدنا عليه الكاكاو و نزوقو الدوائر بوريدات
والجزء تاع الكوك نديروه علا شكل بيضوي
نكهة القهوة نديروه مربعات وندخلوهم جميعا لفرن على حرارة 200 درجة حتى يقبطو راسهم ويتحمرو شوية

  بعدما طابو نخليوهم يبردو مزياان باش نزينوهم

التزيين على حسب كل واحد الشكل لي درنا فيه وريدات بالكاكاو نعمرو الحفيرات بالمربى
والشكل تاع الكوك نغطسو وجهو فالشكلاط الاسود ونزينوه بخطوط الشكلاط
والشكل تاع القهوة نزينوه بمركز الحلييب وندوزو الجناب فالكاوكاو محمر ومهرمش

وهاهو صابلي سهل وبسيط بثلاث نكهات واجد

بالصحة والراحة