كراتان بالخضر صحي ولذيذ بالصور

موقع نسوة يقدم

كراتان بالخضر صحي ولذيذ

من الاخت دعاء القلوب

مقادير كراتان بالخضر صحي ولذيذ
2 بطاطات
2 خيزوات
2 كرعات
بصيلة مشلظة وشوية الجلبانة مصلوقة او مفورة
شوية الكفتة او الطون او قطع الدجاج المهم اي حاجة عندكم فالدار الا مكانت حت حاجة من هدشي بلاش اكتافيو غير بالخضر
زويتة بلدية وبالطبع مليحة وابزار والخضر كلهم نحكوهم فالحكاكة الغليضة

طريقة تحضير كراتان بالخضر صحي ولذيذ

نشحر كل نوع بوحدو فزويتة بلدية مع الملح والابزار إلا الجلبانة متنشحرهاش
ونوجد المقادير التالية مع الخضر لي شحرنا
4 بيضات 3 معالق كبار كريم فريش ملح ابزار شوية الكوزة محكوكة

نطرب البيض مع الكريما والملح والابزار والكوزة مزيان ونخلط الخضر والكفتة لي وجدت من قبل ونوجد 3 فرمجات مربعين او مثلثين

نخلط الكل

نعملهم فمول مدهون بزبيدة ونستف قطع الفرماج ونعمل المول فلاطة فيها الماء وندخلها للفرن يطيب

ملي نحس بيها قربات طيب نخرجها ونرش عليها الفرماج محكوك

وهاهو كراتان بالخضر صحي ولذيذ واجد

بالصحة والراحة