كيكة عادلية ورائعة المذاق بالصور

موقع نسوة يقدم

كيكة عادلية ورائعة المذاق

من الاخت سكينة

مقادير كيكة عادلية ورائعة المذاق
4 بيضات
كاس سنيدة
كاس زيت
كاس حليب
كاس عصير البرتقال
كاس دانون
3 خمارات
3 كيسان لفورص واكثر بشوية
فاني او قشور لحامض او البرتقال
طريقة تحضير كيكة عادلية ورائعة المذاق
كنطرب البيض مع سنيدة و الفاني مزيآآآآآآان

من بعد كنضيف الزيت

 كنضيف الحليب ودانون وعصير اليمون بالتدريج

من بعد كنبقاو نضيفو في الدقيق بشوية بشوية ويكون مغربل
ونضيفو الخمارات في الاخير

كنديروها في مول يكون مدهون ونرشوه بالدقيق وندخلوها لفران يكون مسخن من قبل

فاش ندخلوها الفران نشعلو عليها غير لتحت ونقصو العافية على اقصي حد ونخليوها حتا تبان لينا تنفخات وريحتها عطآآآت وتكون تحمرات من جناب عاد نحلو عليها الفران ونقلبوها بموس واش طابت ولا باقي، من بعد نشعلو عليها العافية من الفوق باش تحمر

هنا فاش خرجتها من الفران.شوفو كيف جات ماشاء الله

دهنتها بمربى ورشيت عليها الكوك

 وهاهي كيكة عادلية ورائعة المذاق واجدة

ها هي كيف جات من لداخل.خفيفة وهآآآآائلة

بالصحة والراحة
ملاحظة
بعد المرات كنضيف 3 معالق الماء للخليط...كيخلي الكيك تجي مهوية اكثر من لداخل
فاش كطيب الكيك كنطفي الفران ونحلو ونخلي فيه لكيك شوية عاد نخرجها باش تحافظ على الشكل والجودة ديالها