كيكة باللبن كتجي زوييينة

موقع نسوة يقدم

كيكة باللبن

من الاخت ام البنات

مقادير كيكة باللبن

 4 البيضات
2كيسان لبن
2كيسان سنيدة
كاس زيت
2خمارات الحلوى
خنيشة الشكلاط غبرة
رشيشة الملح
من 3الى 4كيسان دقيق

طريقة تحضير كيكة باللبن
فالخلاط الكهربائي كنوضعوا الزيت و السكر و اللبن و البيض و رشيشة الملح
و كنضربوا الكل حتى تتضاعف
نفرغوا كلشي باناء و نضيفوا كاس دقيق مخلط مع الخميرة
ونبداو نضيفوا الدقيق معلقة بمعلقة حتى نحصلوا على خليط متجانس

كمية الدقيق كتعتمد كثيير على حجم البيض فممكن تكتفيو ب 3كيسان حتى ل 3 و نص و ممكن توصلوا حتى ل 4دالكيسان
نقسموا العجين و نضيف للنصف منه الشكلاط و نفرغوه فصينية مدهونة و مرشوشة بالدقيق
كنفرغو الخليط الابيض ثم فوقو لي بالشكلاط و نخلطوه بعود من اعواد الشوا او خلة الاسنان
وندخلوه للفرن 10د على حرارة مجهدة 180 أو نصف ساعة على حرارة 160
ونقدموه مرشوش بالسكر غبرة

 هاهي كيكة باللبن كيف كتجي

بالصحة والراحة