حلوة التريدة

موقع نسوة يقدم

حلوة التريدة

من الاخت ام رياض 

مقادير حلوة التريدة 

500g دقيق
80g زبدة
2 فاني
1/2 ك ص ماء الزهر
قبصة ملح
زيت
عسل ( أنا استعملت عسل منسم بالفاني و ماء الزهر )
جنجلان محمر
لوز مقشر و محمر و مهرمش

طريقة تحضير حلوة التريدة
نخلط الدقيق مع الفاني و الملح و الزبدة و ماء الزهر ثم نضيف الماء الكافي و نعجنه تدلك العجين جيدا حتى نحصل على عجين لينة تكون مرخوفة قليلا كعجين التريد

أنا استعملت العجانة بالنسبة لي كتعجن بديها تجمع الخليط و تخليه قاسح شوية و توضعه في بلاستيك و تسد عليه و تغطيه و تخليه 2h أو أكثر كل مابقى كل ما كتسهل عملية الدليك ( هذه العملية يمكن ليكم تعملوها لعجين الرغايف أو الشفنج أو الخبز ............ كتسهل عملية الدليك غير الخميرة مكندروهاش في الأول حتى نبغيو ندلكها عاد كنضيف الخميرة ) من بعد ندلكوه و حنا كنضيفو ليه الماء حتى نحصلو على عجين لينة تكون مرخوفة قليلا كعجين التريد

نصنع من العجين كويرات متساوية الحجم نذهنها بالزيت و نغطيها بي بلاستيك و نخليها ترتاح من بعد نطلق كل كويرة بالزيت رقييييييقة بحال التريد و نطيبها في مقلات تقيلة مذهونة بالزيت غير نحطها و نقلبها دغيا مخصهاش تتحمر كتبقى بيضة بحال لي في الصور

مباشرة من كطيب كنغطيوها بمنديل باش متيبسش حتى كنساليو العجين لي عدنا

من بعد كنعملو تريدة فوق تريدة و كنلويوهم مرخوفين و نسدهم بخليط الدقيق مع الماء

من بعد كنشكلوهم
الشكل الأول كنقطعو بمقص دوائر و تنقلبوهم كما في الصورة

 

الشكل الثاني تنقطعو بمقص على شكل مثلثاث مع مراعات منقسوش رأس مثلث بالمقس كما في الصورة

من بعد كنقليو هم في زيت سخون و نقطروهم و نعسلوهم

 

 

و نقطروهم من العسل و نزينو الشكل الأول بالزنجلان و الشكل الثاني باللوز و نعملوهم في كويغطات ديال الحلوة 

وهذا الشكل النهائي ل حلوة التريدة

بالصحة والراحة