طورطة على شكل هدية

موقع نسوة يقدم

طورطة على شكل هدية

من الاخت نجاة

مقادير جينواز طورطة على شكل هدية

6 بيضات

180غ سكر

180غ دقيق

فاني


مقاديركريم باتسيير ل طورطة على شكل هدية

رابعة حليب

2 أصفر البيض

2 معالق كبار سكر

2 معالق كبار دقيق

قشرة برتقالة محكوكة

100غ زبدة لينة 
لمعرفة طريقة التحضير اضغطي هنا


مقادير عجينة السكر ل طورطة على شكل هدية

450غ سكر كلاصي

5 معالق كبيرة ماء

2 معالق كبار عسل

معلقة كبيرة زبدة

2 أوراق جيلاتين

ملونات غذائية
طريقة تحضير طورطة على شكل هدية


بعد ماحضرت الكريم باتسري خليتو يبرد ثم ضفت ليه الزبدة بالتدريج مع التضراب بالضراب الكهربائي

قطعت الجينواز الى 4 القطع سقيت القطعة الأولى بالسيرو ثم دهنتها بطبقة من مربى 

 الفريز

ثم طبقة من الكريمة وبنفس الطريقة لباقي القطع السيرو ثم المربى و الكريمة

من بعد غطيت الكيكة كلها بالقشدة الطرية و طلقت عجين السكر فوق ورق الزبدة

طريقة تحضير عجينة السكر ل طورطة على شكل هدية
وضعت الماء و الزبدة و العسل في كسرونة على نار مهيلة حتى دابت الزبدة طفيت عليه
وضفت ليهم أوراق الجيلاتين مرطبين من قبل في الماء و حركتو مزيان ثم ضفتو الى سكر كلاصي
و هوسخون تنوضع في الأول 400 غرام و تنبقى نضيف ليه السكر كلاصي بالتدرج حتى يصبح متماسك
تنقسم العجين وتنضيف له ملونات غذائية

تنغلفو ببلاستيك و تنخليه حتى نحتاجو الى شاطت ليا شي حاجة من بعد ما كملت الطورطة تنحتفظ بها في الثلاجة
غلفت الكيكة بعجين السكر و عملت حربل طويل باللون الشيبي دورتو على أسفل الكيكة
ثم قطعت أشكال مربعة بالقطاعة

قسمت المربعات على 2 و لصقتهم على جوانب الطورطة مع استعمال شيتة مفزكة بالماء للتلصاق
قطعت 2 أشرطة كبار و ضعتهم على الطورطة على شكل زائد

قطعت أشرطة صغيرة متساوية و ثنيتهم على 2 لصقتهم من الأسفل و قفلتهم و خليتهم ينشفو
ثم ستفتهم على شكل وردة في وسط الطورطة
طلقت العجين الأصفر و قطعتو وريدات صغار و وسطهم كويرات صغار من اللون الشيبي

و قطعت باقي الألوان بقطاعات مختلفة و عملت حرابل رقاق باللون الأخضر
لصقت الحرابل على الطورطة على شكل غصون و باقي الأشكال أوراق و ورود

وهذه طورطة على شكل هدية من كل الجوانب

بالصحة والراحة