خبيزات بطريقة راقية بالصور

من طرف موقع نسوة:
خبيزات بطريقة راقية
طريقة تحضير خبيزات بطريقة راقية بالصور

مقادير الخبيزات بالصور

نصف كيلو فورص اوسميدة رقيقة على حسب الرغبة انا عملت هنا غي الفورص 

شوية الملح 2 معالق كبار سنيدة 6 معالق كبار زيت 2 معالق كبار حليب غبرة 

معلقة كبيرة خميرة الخبز 2 خمارات الحلوة والماء الكافي للخليط 

طريقة تحضير خبيزات بالصور

تنعملو الطحين والملح وسنيدة والخميرة والخمارات والزيت نخلطهم مزيان 

نزيدو الماء تديريجيا ونخليو الخليط شوية خفيف وتيتلصق فاليدين 

ندلكو العجين مزيان ونغطيوه ونخليوه يخمر حتى يتضاعف الحجم ديالو 

منين يخمر نقسموه على 4 خبيزات 

نسرحوهم مزيان 

ونشرطوهما مربعات ونخليوهم يخمرو للمرة التانية 

منين يخمرو نوجدو اصفر بيضة مطربة مع شوية الحليب وشوية الحبة السوداء وشوية الزنجلان

ندهنوا مزيان باصفر البيض ونزوقوا بالحبة السوداء والزنجلان 

وندخلوهم للفرن ساخن من قبل ونخليوهم يطيبو على عافية متوسطة وها خبيزاتنا وجدوا

وهذا الشكل النهائي للخبيزات