من طرف موقع نسوة:
حلوة السبولة
طريقة تحضير حلوة السبولة باللوز
مقادير حلوة السبولة
المقادير و الطريقة ديال العجينة
كيلو ديال الفورص النوع الممتاز انا كنستعمل تريا +كاس اتاي مشرط من لتحت ديال زبدة مدوبة ومصفية كنستعمل زبدة صفراء ديال العبار +نفس الكاس ديال الزيت +كاس ديال ماء زهر +شوية مسكة حرة +شوية ملح + 4 معالق سنيدة وكنجمعوها بالما دافيء وندلكوها مزيان تقريبا شي نصف ساعة او اكثر وكنخليوها ترتاح عاد نستعملولها
المقاديرو الطريقة ديال عجينة اللوز
كيلو ديال اللوز البلدي لي كنخويو عليه ماء غليان ونخليوه 5 دقائق ونصفيوه ونقشروه ونخليوه ينشف من الماء و نطحنوه 2مرات ونزيدو عليه كاس ديال زبدة مدوبة ومصفية +مسكة حرة + قطرات روح ديال زهر ولا 2معالق كبار ماء زهر+ملون أخضر
حتى هو خاصو يتدلك مزيان شي 15 دقيقة
بالنسبة لهاد الشكل العجينة خصها تكون رقيقة اللوز يكون كيبان باش يجي النقش مزيان كيف جميع حلويات اللوز خصها تبات
طريقة تحضير حلوة السبولة باللوز
كنسرحو العجينة رقيقة ونوضعو وسطها كرة من عجية اللوز
كنغطيو عقدة اللوز بالعجينة
ونشكلوها على شكل عود
نضغطو على الأطراف
ثم نضغطو على الفوق
ونقشو حلوة السبولة بالمنكاش
وندهنوها بالزبدة مدوبة ومصفية عاد نطيبوها
وملي طيب كندهنوها بالناباج ونديروها فالكويغطات
وهذا الشكل النهائي لحلوة السبولة
ليست هناك تعليقات :