أروع قريشلات ممكن تصايبي بالصور

موقع نسوة يقدم بالصور

أروع قريشلات ممكن تصايبي

من الاخت لطيفة

 أروع قريشلات ممكن تصايبي 

مقادير أروع قريشلات ممكن تصايبي
4 زلايف ممسوحة فرينة
2 زلايف ممسوحين فينو
نفس زلافة سكر
نفس زلافة زيت
4 خمارات حمراء
قبصة ملح
خميرة معجونة حسب الجو انا درت 3 معالق كبار رفيعة
نصف زلافة زنجلان
نافع وحبة حلاوة وبسباس حسب الرغبة انا درت كاس العنبة مطحون ومغربل
ماء و حليب لجمع العجينة
بيضة مخفوقة للدهنة الاولى
صفار بيضة مع شوية نسكافي وقطرات من الخل للدهنة الثانية
150 غ زبدة لدلك العجينة
 طريقة تحضير أروع قريشلات ممكن تصايبي
نخلطو الدقيق كلو مع النواشف كلها ثم نضيفو الزيت

نبسبسو العجين مزيان

ثم نبداو نزيدو الماء الحليب لجمع العجين
ومتكونش مرخوفة بزاف حيث باقي الزبدة لي غدي ترخف العجين

من بعد ندوبو الزبدة

وندلكو بيها لعجينة ديالنا مزيان حتى تولي مرخوفة كما في الصور

ونخليوها تخمر تقريبا نصف ساعة حسب الجو
ثم نشكلو كرات حسب الرغبة 

نحطوهم في المول متباعدين لانهم غدي يخمرو 

وندهنوهم الدهنة الاولى بالبيض مخفوق

وفاش يخمرو مزيان 

نعاودو ندهنوهم الدهنة الثانية بأصفر البيض

 ونرشوهم بالزنجلان

ندخلو لقريشلات ديالنا لفرن يطيبو

وهاهما أروع قريشلات ممكن تصايبي واجدين 

بالصحة والراحة