الكعك الوجدي الخامر مضمون بالصور

موقع نسوة يقدم بالصور
الكعك الوجدي الخامر مضمون  

من الاخت لطيفة

الكعك الوجدي الخامر مضمون

مقادير الكعك الوجدي الخامر مضمون
4 بيضات
4 خمارات
2 كيسان كبار ونصف سكر

( ولي تبغي الحلاوة توصل ل3 كيسان المهم الكاس ممسوح )
2 كيسان كبار زيت
3 كيسان حليب دافئ  ( واحد نعملو فيه الخميرة المعجونة )
  نصف كاس ماء زهر
زلافة متوسطة زنجلان محمر نصفه مطحون ونصفه صحيح
نافع وبسباس وحبة حلاوة مطحونين شوية يعمرو كلهم كاس ممسوح
  3 معالق كبار خميرة معجونة نخليوها شوية في كاس حليب دافئ 

دقيق حسب الخليط

هدا الكاس لي عبرت بيه

الكعك الوجدي الخامر مضمون 
طريقة تحضير الكعك الوجدي الخامر مضمون
كنحطو جميع السوائل هي الاولى في القصعة

ثم النواشف ماعدا الدقيق

  ونبداو نزيدو الدقيق شوية بشوية 

حتى الحصول على عجين متماسك وخفيف وما يلصقش في اليدين

ونخليوه يرتاح 5 دقائق فقط

من بعد نبداو نشكلو الكعك 

نرشو بلاطو لي نخدمو فيه بنثرات قليلة ديال الدقيق

ثم نسرحو العجين ونقطعو والجميع كيعرف الطريقة

فاش نكملو تشكيل الكعك 

ندهنوه الدهنة الاولى باصفر البيض ونسكافي وقطرات من الخل 

ونخليوه حتى يخمر مزيااان

 ( ضروري يخمر مزيااان باش يصدق مزيان ) 

ملي يخمر نعاودو ندهنوه باصفر البيض من جديد 

ونتكايسو عليه غير بشوية

ثم ندخلوه لفران يطيب

وهاهو الكعك الوجدي الخامر مضمون واجد

بالصحة والراحة