فطائر معمرة بحشوة رائعة بالصور

موقع نسوة يقدم بالصور

فطائر معمرة بحشوة رائعة

فطائر معمرة بحشوة رائعة 

مقادير فطائر معمرة بحشوة رائعة

بالنسبة للعجين
بيضة واحدة
ملعقتان صغيرتان سنيدة
ملح
بكية خميرة فورية أو 25g خميرة المعجونة
نصف كأس زيت
واحد ياغورت طبيعي
كأس ماء دافئ أو زيادة حسب الطحين
الطحين حتى نحصل على عجين طرية ورطبة

فطائر معمرة بحشوة رائعة
بالنسبة للحشوة
فلفلة حسب لي عندك أنا درت خضراء وحمراء وصفراء وحتى وحدة حارة
مطيشة وحدة كبيرة أو 2 صغار
بصلة متوسطة
4 فصوص الثومة
شوية معدنوس
التوابل : ملح ابزار اسكنجبير تحميرة خرقوم بلدي
معلقة كبيرة مطيشة الحك
طريف الزبدة + شوية الزيت
الكفتة
متزريلا طرية أو محكوكة

 فطائر معمرة بحشوة رائعة 

طريقة تحضير فطائر معمرة بحشوة رائعة
نعجنو العجين : في إناء نخلطو الزيت+ الياغورت+السكر+الماء+الخميرة+البيضة نخلطو جيدا ثم نزيدو الطحين في الأخير والملح 

ثم نعجنو جيدا حتى نحصلو على عجين لينة وملساء 

نتركوها ترتاح 30 دقيقة

في مقلات فوق النار نعملو الزبدة+الزيت 

نزيدو البصلة ونخليوها تتقلى شوية

ثم نزيدو الثوم ثم الكفتة ونخليوها كذلك تتشحر شوية

 من بعد نزيدو الفلافل مقطعة رقيقة بعدها مطيشة ثم الثوابل ومطيشة الحك 

ونخليو الكل يتشحر ونخليوالخليط يبرد

ناخدو العجين نقسموه كريصات الحجم لي بغينا

 نرشوه بالطحين ونطلقوه بالدلاك 

نعملو شوية الخليط في نصف الدائرة ثم شوية المتزريلا من فوق 

ونطويو عليه نصف الدائرة الفارغ ونسدو مزيان بالضغط

 تكون المقلات سخونة 

ونطيبوها مثل البطبوط بدون دهن 

ملي طيب من جهة نقلبوها للجهة الاخرى

ملي نزولوها من المقلة ندهنوها بشوية الزبدة من الجهتين

وهاهي فطائر معمرة بحشوة رائعة واجدة

بالصحة والراحة