طارت بكريمة الشكلاط والكراميل بالصور

موقع نسوة يقدم

طارت بكريمة الشكلاط والكراميل

من الاخت امة الله

 طارت بكريمة الشكلاط والكراميل

مقادير طارت بكريمة الشكلاط والكراميل
مقادير الجينواز
5 البيضات
200 غ سنيدة
كاس صغير زيت
كاس صغير ماء دافئ
250 غ طحين
2 م.ك. كاكاو
1 خميرة الحلوى
كريمة شوكولا
1/2 لتر حليب
1بيضة
3 م.ك. غبرة كريم باتسيير
3 أو 4 م.ك. سنيدة حسب الذوق
1 دانيت شوكولا
100غ شكلاط اسود
اجاص كراميلزي 

 (كيبقا اختياري لي مبغاش ميديروش)
2 اجاصات منقيين ومقطعين طريفات صغار
م.ك.زبدة
م.ك.عصير الحامض
2 م.ك.سنيدة
طبقة الكراميل
1/2 لتر حليب
1 فلان كراميل +1فلان فاني
100غ او 10 حبات بسكوي
200غ كريم فريش
انا معملتش سنيدة حيت فلان حلو
كلاصاج
2 دانيت كراميل
100غ شكلاط ابيض
م.ك.نوتيلا او طريف صغير شكلاط اسود

طارت بكريمة الشكلاط والكراميل

طريقة تحضير  طارت بكريمة الشكلاط والكراميل
طربي بياض البيض مع نصف كمية سنيدة
طربي صفار البيض مع باقي سنيدة
ملي يطلع بياض البيض بحال الثلج زيدي صفار البيض بشوية ثم الماء دافئ و الزيت
زيدي الطحين والخميرة والكاكاو مغربلين
 دخليها طيب
ملي طيب خليها تبرد وقطعي منها 2 اطارات او اقراص حسب الاطار لي عندك

عملي الحليب فوق عافية مهيلة
دوبي شكلاط مع معلقة كبيرة زبدة
طربي البيضة وسنيدة وكريم باتسيير
كبيه على الحليب خلطي مزيان ورديه فوق العافية ونتي كتحركي حتا يعقاد
زيدي عليه دانيت شوكولا ثم شكلاط مذوب
سرحي الكريمة فوق قطعة الجينواز

طربي كريم فريش مع 2 معالق كبار سنيدة
وحتفظي بيه فالثلاجة

ذوبي الزبدة
زيدي سنيدة ملي يولي بحال كراميل زيدي اجاص
خليه حتا يتعسل
عملي قطعة ثانية الجينواز وفوق منها الاجاص

عملي الحليب وفلان كيف الطريقة المعتادة
ملي يغلى طحنيه مع بسكوي
وخليه يبرد
وخلطيه مع الكريم فريش مطربة

الكلاصاج عملي دانيت كراميل في حمام مريم انا زدت روح الكراميل
زيدي الشكلاط ونوتيلا انا معنديش درت طريف شكلاط اسود
سرحيه خليه يبرد شوية
انا عملت خطوط متموجة كيبقا الزواق حسب الرغبة

دخليها الفريكو شي 6 ساعات حتا تشد راسها مزيان وحيدي الاطار وزوقيها كيف بغيتي

وهاهي طارت بكريمة الشكلاط والكراميل واجدة

وهدا الشكل النهائي لطارت بكريمة الشكلاط والكراميل

بالصحة والراحة