موقع نسوة يقدم
صابلي ثليجة معلك وجميل
مقادير صابلي ثليجة معلك وجميل
125g زبدة أو ماركرين نوع جيد
نصف كاس سكر
2 صفار بيض
ملعقة حليب بودرة
فاني
شوية من قشور الحامض
الدقيق حسب الخليط
طريقة تحضير صابلي ثليجة معلك وجميل
نخلطو الزبدة مع السكر وقبيصة الملح طبعا حتى يولي الخليط كريمي ونضيفو صفار البيض ثم باقي المقادير حتى نحصلو على خليط لين ورطب
نقطعو العجين دوائر متكونش رقيقة بزاف وندخلوهم يطيبو
فهاد الاثناء نوجدو حلوة الكوك المعلكة (وريدات الكوك)
بالنسبة لوريدات الكوك غنحتاجو
3 بياض البيض + فاني+ شوية قشور الحامض+ 3 أو 4 معالق سكر+ 140g كوك- ربما نحتاجو اقل او اكثر حسب حجم البيض
نخفقو بياض البيض مع السكر والفاني حتى يولي ميرانك ثم نضيفو الكوك وقشور الحامض ونزيدو معلقة الزيت ونخلطو بالملعقة ونخليوها خفيفة بحيث نخرجوها بالبوق على شكل وريدات صغار وندخلوهم يطيبو
منين يطيب الصابلي ويبرد
نوضعو فوقو القليل من الكونفتير لي غليناه شي دقيقة مع شوية السكر كلاصي هاد العملية باش يجي معلك ويبقى ثابث فوق الحلوى وميسيحش
ونلصقو فوقو وريدات الكوك
ونرشو رشة خفييييييفة فوقهم بالسكر كلاصي وهاهو صابلي ثليجة معلك وجميل واجد
بالصحة والراحة
ليست هناك تعليقات :