كيكة بالنشا خفيفة و غزالة بالصور

موقع نسوة يقدم

كيكة بالنشا خفيفة و غزالة

من الاخت ام البنات

مقادير كيكة بالنشا خفيفة و غزالة
 4 بيضات
كأس سكر
كأس حليب
كأس زيت
كأس نشا ( مايزينا )
كأس و نص إلى زوج كيسان دقيق خاص بالحلويات
 2 معالق كبار خميرة الحلوة او خنيشة و نصف
معلقة سكر فانيليا
رشيشة الملح
للتزيين
كأس لوز ايلي او تقريبا 5 معالق كبار
كأس إلا ربع عسل خفيف
معلقة عسل حر

طريقة تحضير كيكة بالنشا خفيفة و غزالة

في الخلاط الكهربائي كنوضعو البيض مع السوائل و السكر و رشيشة الملح
ونضربو مزيان حتى يتضاعف الكل
نفرغو الخليط في إناء
ونضيفو النشا ( المايزينا ) كلها مع الخميرة و سكر فانيليا و نخلطو مزيان
ثم نضيفو الدقيق معلقة معلقة حتى نحصلو على الكثافة المناسبة للكيك

 نفرغوه فمول الكيك مدهون و مرشوش بالدقيق

و اختارو هاد المول الي كيكون الوسط عالي كيعطي فجوة فالكيك
نرسلو الكيك للفرن ساخن 10د ثم نخفضو الحرارة و نخليوه يكمل الطياب من ربع إلى   20 د او حتى يتحمر و يطيب

ناخدو اللوز و نخلطوه مع العسل الخفيف و العسل الحر لدقيقة على نار خفيفة غير يتعسل و يتكرمل
ونفرغوه و هو ساخن على الكيك غير يخرج من الفرن

وهاهي كيكة بالنشا خفيفة و غزالة واجدة

نخليوها تبرد ونقدموها وهذه قطعة عن قرب

  بالصحة و الراحة