طورطة بالشكولا مذاق لايقاوم بالصور

موقع نسوة يقدم

طورطة بالشكولا مذاق لايقاوم 

من الاخت امة الله

مقادير طورطة بالشكولا مذاق لايقاوم
الطبقة 1 الكيكة
3 بيضات
كاس صغير سنيدة
1/2 كاس زيت
1/4 كاس ماء مغلي مذوب فيه معلقة كبيرة كاكاو (ممكن تزيدي قهوة)
كاس و نصف طحين
1 خمارة
( نفس كاس العبار والكاس يكون صغير من كاس ديال العنبة)
طريقة تحضير الطبقة الأولى لطورطة بالشكولا
بحال الكيك العادي كنطربو البيض مع السنيدة ونزيدو عليه الزيت +الكاكاو+الطحين 

 مغربل مع الخميرة

ونديروها طيب
منين طابت قطعتها على حساب الاطار لي عندي

الطبقة 2
1/2 لتر حليب
3 معالق كبار كريم باتسيير
1 بيضة
80 غ شكلاط اسود مذوب مع معلقة صغيرة زبدة
زلافة صغيرة كركاع محمر و مهرمش
معلقة كبيرة روح الكراميل
سنيدة حسب الذوق
طريقة تحضير الطبقة الثانية لطورطة بالشكولا
كنطربو بالفورشيط البيضة +غبرة كريم باتسيير +سنيدة ونزيديو عليه الحليب ونحركوه فوق نار هادئة حتى يعقاد

زنزيدو عليه الكراميل (ايلا عندك غير النكهة استعمليها من الاول مع الحليب)
ثم الشكلاط مذوب
واخيرا الكركاع
ونكبوه على الكيكة وندخلوها تبرد حتى نوجدو الطبقة 3

الطبقة 3
كاس كبير عصير الليمون
3 فلان شكلاط او كراميل ديال درهم
سنيدة حسب الذوق
كنخلطو الكل ونحركوه فوق النار حتى يعقاد ونكبوه على الطبقة الثانية غير بشوية انا كنستعمل صفاية باش ميتقبش ليا الطبقة الثانية

وندخلو الطورطة بالشكولا للثلاجة حتى تبرد ونزينوها حسب الرغبة
انا زوقتها بخطوط بدانون دانيت وقطع الشكولا

هاهي طورطة بالشكولا مذاق لايقاوم واجدة

 

بالصحة والراحة