من طرف موقع نسوة:
بريوش باللبن كيجي هشيش
طريقةتحضير بريوش باللبن
مقادير البريوش باللبن
1 بيضة
2 كيسان(العنبة) لبن
1 كاس صغير زيت
1 كاس صغير سكر
ملعقة كبيرة خميرة فورية
1 خمارة الحلوى
قبصة ملح
قشرة حامضة
الدقيق حسب الخليط
للتزيين
أصفر بيضة + قطرات خل
زنجلان
سنيدة
نباج+لوز محمر و مهرمش
طريقة تحضير البريوش باللبن بالصور
فزلافة العجانة كنديرو قشرة الحامضة محكوكة و سنيدة و الزيت و اللبن يكون بحرارة الغرفة أو ندفيوه شوية
نزيدو البيضة و الخمارة و الخميرة الفورية و الدقيق و نخدمو العجانة و أنا كنزيد الدقيق بشوية بشوية حتى نحصلو على عجينة مرخوفة بزاف و كتلصق فاليدين
ندلكو العجينة واحد 10 دقايق و نغطيوها و نخليوها حتى تخمر و يتضاعف حجمها
ندهنو يدينا بالزيت و نخرجو منها الهوا
و نعملو منها كويرات صغار أو متوسطين حسب الرغبة
نخليوهم يخمرو شوية
و نسخنو الفران
وندهنوهم بأصفر البيض مع قطرات الخل
جزء زينتو بالجنجلان و جزء بسنيدة و جزء خليتو عادي
و من بعد ندخلهم للفران حتى يطيبو و يتحمرو
هدا شكلهم ملي خرجتهم من الفران و الجزء اللي خليتهم بلا تزيين دهنتهم بالنباج و رشيتهم باللوز محمر و مهرمش
ليست هناك تعليقات :