من طرف موقع نسوة:
كيكة الماندرين بالصور
طريقة تحضير كيكة الماندرين بمذاق مغاير
مقادير الكيكة بالماندرين بالصور
4 مندرينات اوممكن نستعملو حتى الليمون نديروهم في الماء ونغليوهم شوية نبدلو عليهم الماء 2 المرات حتى يتصلقو وتزول منهم المرورة
في الصلقة الاخيرة نقيوهم وناخدو نصف كاس من ماء الصلق اللاخير ونطحنوهم مزيان ونصفيوهم غدي نحصلو على هاد الخليط
مقادير الكيك
3 بيضات
كاس سنيدة
كاس الا ربع زيت
كاس دانون طبيعي
200 غ السميدة رقيقة
قبصة ملح
2 خمارات
1 فاني الزهر
نصف كاس الدقيق
طريقة تحضير الكيكة بالماندرين بالصور
في الخلاط الكهربائي نديرو البيض وسنيدة وفاني الزهر ونخدمو مزيان
ونبداو نزيدو الزيت بالتدريج
ثم دانون وخليط المندرين لوجدنا في الاول والسميدة الرقيقة
في الاخير نزيدو نصف كاس الدقيق
في مول مدهون ومرشوش بالدقيق نكبو ثلثي الخليط
والثلت الاخر نزيدو عليه 2 م ك كاكاو ونخلطو ونكبوه وسط الخليط الاول
ندخلوها طيب ونوجدو الصلصة باش نسقيوها
في كاصرونة نديرو كاس عصير الليمون مع 2 م سنيدة و1 فاني الزهر و1م مايزينا و1م ك كونفتير الليمون الا مكاينش نديرو المشماش
نخلطو مزيان ونديروها فوق النار حتى تختار شوية
منين طيب الكيكة نخليوها حتى تبرد مزيان
عاد نسقيوها بالصلصة سخونة
نزينوها بشوية الكوك
ونقدمو الكيكة بالماندرين من طرف نسوة
ليست هناك تعليقات :