من طرف موقع نسوة:
الحرشة معمرة
طريقة تحضير الحرشة معمرة بالصور
مقادير الحرشة معمرة
غ500سميدة رقيقة+غ100قمح أصفر+خمارة الحلوى+م.ص ملح+م.ك سنيدة+ رأس معلقة خميرة الخبز+ فاني+كاس عنبة حليب+كاس الزيت+ماء للعجن
طريقة تحضير الحرشة معمرة بالصور
كنخلطو المقادير الناشفة هي الأولى
كنزيدو الزيت وكنخلطو مزيان حتى تولي فحال كسكس
ثم كنزيدو الحليب
وأخير الماء حتى كنحصلو على عجينة رخوة وشادة
كنقسموها كويرات ونخليوها ترتاح حتى نوجدو الحشوة
مقادير الحشوة:
حك الطون+بصلة+شوية الإبزار+سكنجبير+تحميرة+كامون+خرقوم وقزبرومعدنوس+ملح +م.ص هريسة +شوية الزيتون أخضر مقطع رقيق
كنشلظو البصلة وكنشحروها مع العطرية حتى تذبال
كنحيدوها من العافية وكنزيدو عليها الطون والزيتون والهريسة وقزبرومعدنوس
وكنخلطو مزيان حتى تنساجم
كناخذو كويرة وكنطلقوها شوية
كنديرو شوية الحشوة
وكنعاودو نجمعوها
حتى كنحصلو على كويرة
كنعاودو نطلقوها وحنا كنرشو القمح باش نكرصو بيه
كنديرو المقلة تسخن وكنرشو بشوية الزيت وكنطيبوهم على نار مهيلة
ونقدمو الحرشة معمرة
ليست هناك تعليقات :